«Інтэлектуальна-пазнавальная гульня 19.04.2018 г.»
З вучнямі 9-х класаў была праведзена інтэлектуальна-пазнавальная гульня «Што? Дзе? Калі?» па паэме Якуба Коласа «Новая зямля», якую яны вывучалі на ўроках беларускай літаратуры.
У гульні ўдзельнічалі дзве каманды вучняў, якія ўзнавілі, паглыбілі і ўзбагацілі свае веды па паэме.
Гульня складалася з шасці этапаў. На кожным з іх вучні атрымлівалі картку з шасцю пытаннямі і на працягу пяці хвілін давалі на іх адказы. Дзевяцікласнікі тлумачылі значэнні слоў і фразеалагізмаў, узнаўлялі прапушчаныя словы ў крылатых выказваннях з паэмы, пазнавалі герояў «Новай зямлі» па апісанні і г.д.
Настаўнік беларускай мовы і літаратуры Паборцава Г.Г.
«Час роднай мовы “Люблю цябе, зямлі бацькоўскай слова” 12.04.2018 г.»
Час роднай мовы “Люблю цябе, зямлі бацькоўскай слова”
12.04.2018 сумесна з супрацоўнікамі дзіцячай бібліятэкі філіяла №8 сярод вучняў восьмых класаў была праведзена інтэлектуальная гульня-конкурс “Люблю цябе, зямлі бацькоўскай слова”
Гульня праводзілася ў форме літаратурнага лато. Спаборнічалі каманда хлопчыкаў “Падарожнікі” і каманда дзяўчынак “Сунічкі”. Вучні выбіралі заданне з прапанаванай колькасцю балаў, адказвалі на пытанні і выконвалі заданні. Прагучалі вершы беларускіх аўтараў, беларускія казкі, песні.
Настаўнік Глушакова Н.А.
«Мовазнаўчае лато “Род назоўнікаў” 05.04.2018 г.»
Мовазнаўчае лато “Род назоўнікаў”
05 красавіка 2018 года для вучняў 6-х класаў прайшла гульня па тэме “Род назоўнікаў” з мэтай пашырэння ўяўлення пра несупадзенне роду назоўнікаў у рускай і беларускай мовах. За пэўны перыяд часу вучні падбіралі да карткі з выявай прадмета адпаведны род. Даць правільны адказ дапамагалі вершаваныя радкі, якія служылі падказкай да кожнага малюнка. Да назаўнікаў далучалі прыметнікі, утвараючы словазлучэнні.
Мерапрыемства садзейнічала развіццю вуснага маўлення вучняў, узбагачэнню іх слоўнікавага запасу, правільнаму ўжыванню назоўнікаў у мове.
настаўнік Буймістрава Ж.Г.
«Прававая гадзіна 15.03.2018 г.»
Прававая гадзіна
15 сакавіка на першым уроку другой змены вучнямі 6 “Б” класа была праведзена прававая гадзіна, прысвечаная Дню Канстытуцыі Рэспублікі Беларусь. Вучні праслухалі паведамленне пра разделы Канстытуцыі. Потым вядучыя прапанавалі школьнікам растлумачыць па-беларуску лексічныя значэнні грамадзянскіх тэрмінаў і, наадварот, пазнаць слова па яго значэнні. Шасцікласнікі не толькі пазнаёміліся з Канстытуцыяй Рэспублікі Беларусь, але і пашырылі свой слоўнікавы запас.
Цыркунова Л.У., настаўнік беларускай мовы і літаратуры
«Час роднай мовы 01.03.2018 г.»
Час роднай мовы
01.03.2018 года ў нашай школе сумесна з дзіцячай бібліятэкай № 8 г. Магілёва” адбылося мерапрыемства “Люблю цябе, зямлі бацькоўскай слова”. Удзельнікі сабраліся ў актавай зале. Спачатку вядучыя прапанавалі відэаролікі па творчасці Я. Купалы і Я. Коласа. Потым вучні прынялі ўдзел у віктарыне, якая суправаджалася прэзентацыяй пра класікаў беларускай літаратуры. Спадабаўся вучням відэаролік “Гісторыя Беларусі за 5 хвілін”. Скончылася мерапрыемства песняй “Гэта Беларусь мая” ў выкананні К. Сітнік.
Настаўнік Казакевіч А.Л.
«Інтэлектуальная гульня 22.02.2018 г.»
Інтэлектуальная гульня
22 лютага 2018 года ў паралелі 7-ых класаў прайшла інтэлектуальная гульня “Мая Беларусь”, у якой дзве каманды “Агеньчык” і “Праменьчык” паспаборнічалі ў веданні культуры Беларусі, біяграфіі пісьменнікаў і іх творчай спадчыны.Удзельнікам прапаноўвалася табло з рубрыкамі і пытаннямі, скрытымі за баламі: “Гэтыя цікавыя загадкі”, “Прыказкі і прымаўкі – моўны скарб нацыі”, “Скарбы роднай мовы”, Шануй роднае слова” і іншыя. Перамагла каманда 7 “А”класа “Агеньчык”. Гэта мерапрыемства спрыяла выхаванню ў вучняў глыбокай павагі да нацыянальнай спадчыны, традыцый, звычаяў беларускага народа.
Настаўнік Казакевіч А.Л.
«Конкурс знаўцаў вуснай народнай творчасці 15.02.2018 г.»
Конкурс знаўцаў вуснай народнай творчасці
15 лютага вучнямі 5-х класаў быў праведзены конкурс знаўцаў вуснай народнай творчасці. Вучні сустракалі пры ўваходзе ў школу бацькоў, вучняў і настаўнікаў І змены. Вядучыя прапаноўвалі адгадаць беларускія народныя загадкі, працягнуць прыказкі, узгадаць прымаўкі. Працягнулі перапрыемства ў класе, дзе ўспомнілі народныя традыцыі, звязаныя са святам Масленіца. Найбольш цікавым быў конкурс выканаўцаў беларускіх народных песень.
Настаўнік Глушакова Н.А.
«Літаратурная гасцёўня, прысвечаная 210-годдзю з дня нараджэння Вінцэнта Дуніна-Марцінкевіча 08.02.2018 г.»
Літаратурная гасцёўня, прысвечаная 210-годдзю з дня нараджэння Вінцэнта Дуніна-Марцінкевіча
8 лютага 2018 года для вучняў 11-х класаў было праведзена дадзенае мерапрыемства з мэтай актуалізаваць і пашырыць веды пра жыццё і творчасць Вінцэнта Дуніна-Марцінкевіча. Вучаніцы 11 ,,Б” класа паведамілі пра факты з біяграфіі пісьменніка, прывялі цікавыя прыклады з кнігі
І.Я. Навуменкі “Вінцэнт Дунін-Марцінкевіч”. У ходзе мерапрыемства вучні адказалі на пытанні літаратурнай віктарыны па п’есе “Пінская шляхта”. Літаратурная гасцёўня садзейнічала абуджэнню цікавасці да асобы пісьменніка Дуніна-Марцінкевіча, далучэнню да багатай літаратурнай спадчыны славутага земляка.
настаўнік Буймістрава Ж.Г.
«Да юбілею Дануты Бічэль 25.01.2018 г.»
Да юбілею Дануты Бічэль
У паралелі 6-ых класаў 25.01.2018 прайшло мерапрыемства, прысвечанае юбілею Дануты Бічэль. Настаўнік расказала вучням пра асноўныя падзеі з жыцця паэтэсы, пра яе творчасць. Потым дзеці адказвалі на пытанні віктарыны: якія заслугі мае паэтэса, узнагароды, тэмы і матывы творчасці і г.д. Прагучалі вершы са зборніка «На белых аблоках сноў».
Настаўнік Цыркунова Л.У.
«Экскурсія 18.01.2018 г.»
Экскурсія
18.01.2018 г.
Вучні 9-х класаў наведалі школьны музей «Спадчына». Экскурсію праводзіла кіраўнік музея — настаўнік гісторыі Хадускіна Юлія Анатольеўна. Разам з ёй вучні ўвайшлі ў «беларускую хатку» і агледзелі там кожны куточак, дакрануўшыся такім чынам да гісторыі нашай.
З захапленнем Юлія Анатольеўна расказала пра жыццё і побыт нашых продкаў, прыгадала святы і традыцыі нашага народа. Дзевяцікласнікі даведаліся пра прызначэнне змешчаных ў музеі экспанатаў (некаторыя прадметы і рэчы яны бачылі ўпершыню).
Настаўнік беларускай мовы і літаратуры Паборцава Г.Г.
«Конкурс чытальнікаў “Гучы роднае слова” 21.12.2017»
Конкурс чытальнікаў “Гучы роднае слова”
21.12.2017 прайшоў конкурс чытальнікаў “Гучы роднае слова”
Конкурс чытальнікаў “Гучы роднае слова” прысвечаны 135 гадавіне з Дня нараджэння класікаў беларускай літаратуры Я.Купалы і Я.Коласа. Вучні больш даведаліся пра біяграфію і творчасць юбіляраў, урачыста гучалі напісаныя імі вершы.
Настаўнік Глушакова Н.А.
«Турнір знаўцаў роднай мовы 14.12.2017»
14 снежня 2017 года для вучняў 6-х класаў адбылося дадзенае мерапрыемства. У час турніру ўдзельнікі разгадвалі крыжаванку, да рускіх слоў на тэму “Медыцына” падбіралі беларускія адпаведнікі, будавалі словы па прапанаваных складах, выконвалі пераклад з рускай мовы на беларускую, знаходзілі патрэбнае фразеалагічнае спалучэнне. Вучні тлумачылі значэнні фразеалагізмаў, далучалі прыметнікі да назоўнікаў, расшыфроўвалі беларускія прыказкі.
Мерапрыемства садзейнічала ўзбагачэнню слоўнікавага запасу вучняў, далучыла іх да таямніц роднай мовы, выклікала цікавасць да яе.
настаўнік Буймістрава Ж.Г.
«Прэзентацыя новага выдання 30.11.2017»
Прэзентацыя новага выдання
30 лістапада 2017 г. у нашай школе для вучняў 6-7-ых класаў (ІІ змена) адбылася прэзентацыя выдання “Маленькі прынц” на беларускай мове ў перакладзе Ніны Мацяш. Чытальнікі расказалі вучням пра французскага пісьменніка Антуана дэ Сэнт-Экзюперы і яго творчасць. Потым адбылася гутарка па казцы. Дзеці добра запомнілі ўрокі чалавечнасці, урокі жыцця, якія даў нам Маленькі прынц.
Настаўнік Цыркунова Л.У.
«Конкурс-гульня «Шчаслівы выпадак» 23.11.2017»
З вучнямі 9-х класаў была праведзена конкурс-гульня «Шчаслівы выпадак». У ім удзельнічалі тры каманды на чале з капітанамі. Каманды правялі незвычайнае, віртуальнае падарожжа па Беларусі, павандравалі па розных старонках культуры, гісторыі, літаратуры нашай краіны.
Старшакласнікі ў час гульні ўзнаўлялі змест прыказак і прымавак, тлумачылі значэнні фразеалагізмаў, прыгадалі міфічных істот, рабілі пераклады з рускай мовы на беларускую, сярод партрэтаў беларускіх пісьменнікаў шукалі дзеячаў эпохі Адраджэння і г. д. Цікавым было для вучняў заданне распазнаць народнае свята па малюнку-калажы: кожная каманда малявала для сваіх супернікаў прадметы-падказкі (аер, вогнішча, велікодныя яйкі, «коцікі» вярбы і г. д.). А ў конкурсе для капітанаў (адказ- адразу і адным словам) трэба было за абмежаваны час адказаць аж на пятнаццаць пытанняў.
Вучням давялося цудоўна і з карысцю правесці час у гэтай гульні.
Настаўнік беларускай мовы і літаратуры
Паборцава Г.Г.
«Вуснае падарожжа“Беларусь мая, родны край” 16.11.2017»
16 лістапада 2017 года ў паралелі 7-ых класаў адбылося мерапрыемства, прысвечанае дзяржаўнай сімволіцы нашай краіны. Вучні праслухалі легенду, як у краіне з’явіліся Сцяг, Герб, Гімн. Вядучы і чытальнікі ў цікавай форме расказалі пра значэнне дзяржаўных сімвалаў Беларусі. Вучні падрыхтавалі вершы на патрыятычную тэматыку. Закончылі вуснае падарожжа песняй “Белая Русь”.
Настаўнік Казакевіч А.Л.
«Інтэрактыўная віктарына “Чароўны квадрат” 09.11.2017»
Інтэрактыўная віктарына “Чароўны квадрат”
09.11.2017 прайшло мерапрыемства інтэрактыўная віктарына “Чароўны квадрат”
Віктарына садзейнічала паглыбленню ведаў вучняў пра гістарычную і культурную спадчыну Беларусі, багацце беларускай мовы. Сектары “Падарожжа па карце Беларусі”, “Таямнічая скрыня”, “Знакамітыя людзі Беларусі”, “Конкурс на лепшага чытальніка” спрыялі выхаванню павагі да роднай зямлі, свайго народа. “Конкурс капітанаў”, “Беларускія гульні” абуджалі цікавасць да роднай мовы.
Настаўнік Глушакова Н.А.
«ЧЫТАЕМ БЕЛАРУСКУЮ КАЗКУ 02.11.2017»
Другога лістапада 2017 года ў школьным лагеры выхаванцы 2 атрада “Усмешка” чыталі беларускія казкі. Асабліва спадабалася казка”Лёгкі хлеб”. Пасля прачытання вучні адказвалі на пытанні, актыўна дзяліліся сваімі ўражаннямі. Хоць другакласнікі вывучаюць родную мову і літаратуру, аднак яны разумеюць яе і вельмі любяць казкі. Дзеці прынеслі на заняткі любімыя кніжкі на роднай мове.
Выхавацель атрада Легун В.П.
«Конкурс “Дары восені” 26.10.2017»
Конкурс “Дары восені”
26 кастрычніка 2017 года для вучняў 6-х класаў быў праведзены гэты конкурс з мэтай пашырэння ведаў школьнікаў пра восеньскія месяцы , народныя прыкметы , нацыянальныя стравы , лекавыя ўласцівасці кветак , традыцыі народнага земляробчага календара.
Вучні адгадвалі загадкі , тлумачылі значэнне народных прыказак , чыталі выразна і спрабавалі складаць па пачатку вершы пра восеньскія месяцы, апісвалі па малюнках восень.
Мерапрыемства садзейнічала выхаванню павагі да працы , павагі і цікавасці да беларускіх народных традыцый , народнай спадчыны.
настаўнік Буймістрава Ж.Г.
«Свята роднага слова 19.10.2017»
Свята роднага слова
Я- беларус, і я шчаслівы,
Што маці мову мне дала,
Што родных песень пералівы
І зблізку чую і здаля.
Н. Гілевіч
З мэтай садзейнічаць папулярызацыі беларускай мовы, абуджэння цікавасці да гісторыі народа, фарміравання станоўчай матывацыі да вывучэння беларускай мовы было праведзена 19 кастрычніка 2017 года па паралелі 5-х класаў наша мерапрыемства: “Свята роднага слова”.
Гэта атрымалася свята спеўнага, звонкага, жывога, непаўторнага роднага слова. Вучні 5-х класаў чыталі вершы беларускіх паэтаў, самі спрабавалі складаць вершы на роднай мове, адгадвалі загадкі, удзельнічалі ў конкурсах:
“Слова – жыцця аснова”.
“Тры словы”
“Што рабіць, каб мова жыла?”
“Перакладчыкі”
“Паэтычны”
Вынікам нашага мерапрыемства стала сцвярджэнне, што беларусам у спадчыну засталася ўнікальная мова: прыгожая, непоўторная, мілагучная.
Настаўнік беларускай мовы і літаратуры:
Андрэева А. М.
«Восеньскі кірмаш 12.10.2017»
Восеньскі кірмаш
У чацвер 12 кастрычніка ў нашай школе адбыўся восеньскі кірмаш. Падрыхтавалі яго педагогі, бацькі і вучні. Кожны клас прадстаўляў на беларускай мове свае стравы, гучалі беларускія “зазывалкі”. Пастараліся вучні 3-4 класаў, апранулі нацыянальнае адзенне, згатавалі з бацькамі смачныя пачастункі. Гучалі беларускія народныя песні, танцавальныя мелодыі. Кірмаш спрыяў папулярызацыі беларускіх нацыянальных традыцый, нацыянальнай кухні. Госці і ўдзельнікі даведаліся пра стравы па-беларуску.
Цыркунова Л.У., настаўнік беларускай мовы і літаратуры
«Кніжная выстава 05.10.2017»
Кніжная выстава
Вучні 9-х класаў наведалі кніжна-ілюстрацыйную экспазіцыю «Твае песняры, Беларусь!», прысвечаную 135-годдзю з дня нараджэння класікаў нацыянальнай літаратуры – Янкі Купалы і Якуба Коласа.
Супрацоўнік аддзела беларускай і краязнаўчай літаратуры Бязмен В. М. пазнаёміла вучняў з цікавымі выданнямі славутых песняроў. Асаблівую ўвагу выклікала кніга «А хто там ідзе» на мовах свету (на 82 мовах) з факсіміле верша, які знаходзіцца ў музеі Я. Купалы (верш напісаны ў 1905-1907 г. рукой песняра), факсімільныя выданні: «Жалейка» (1908 г.) Я. Купалы і «Другое чытанне для дзяцей беларусаў», «Песні жальбы» (1910 г.) Я. Коласа. Дзевяцікласнікі мелі магчымасць патрымаць у руках прыжыццёвыя выданні: «Спадчына» (1922 г.) Я. Купалы і «У глыбі Палесся» (1930 г.), «Міхасёвы прыгоды» (1956 г.) Я. Коласа.
Віктарына «Сэрца пакідаю вам…» па творчасці Я. Коласа, праведзеная супрацоўнікамі, дала магчымасць прыгадаць, узнавіць у памяці вывучанае і пашырыла веды пра жыццё і творчасць песняра.
Настаўнік беларускай мовы і літаратуры
Паборцава Г.Г.
«Літаратурна-музычная кампазіцыя “Зямля пад белымі крыламі” 28.09.2017»
Літаратурна-музычная кампазіцыя “Зямля пад белымі крыламі”
28.09.2017 прайшло мерапрыемства літаратурна-музычная кампазіцыя “Зямля пад белымі крыламі”
Вучні восьмых класаў паказалі вучням другіх класаў літаратурна-музычную кампазіцыю. З дапамогай мастацкага слова абуджалі цікавасць да гістарычнага мінулага і культурнай спадчыны, выхоўвалі пачуцце гонару за Радзіму, за свой народ. Вучні малодшых класаў з цікавасцю слухалі і назіралі за маленькімі артыстамі.
Настаўнік Глушакова Н.А.
«Літаратурная кампазіцыя “Наша мова” 21.09.2017»
Літаратурная кампазіцыя “Наша мова”
Для вучняў 6-х класаў 21.09.2017 было праведзена дадзенае мерапрыемства з мэтай пазнаёміць іх са шляхамі станаўлення сучаснай беларускай літаратурнай мовы. У час літаратурнай кампазіцыі былі прыведзены цікавыя факты з гісторыі пра складаны працэс станаўлення роднай мовы, прагучалі вершы Якуба Коласа, Янкі Купалы, Ніла Гілевіча, выказванні Францішка Багушэвіча. Вучні ўзгадалі асноўныя асаблівасці беларускай мовы, што адрозніваюць яе ад іншых моў свету.
Мерапрыемства дапамагло вучням усвядоміць самабытнасць і непаўторнасць роднай мовы, даведацца пра складаны шлях яе развіцця.
настаўнік Буймістрава Ж.Г.
«Асветнік беларускай зямлі (літаратурная кампазіцыя) 14.09.2017»
Асветнік беларускай зямлі (літаратурная кампазіцыя).
Галоўная гістарычная падзея Беларусі 2017 года – 500-годдзе беларускага кнігадруку, якое пачалося Францыскам Скарынай ў 1577 годзе. Гэтай падзеі і прысвечана наша мерапрыемства, якое прайшло 14 верасня па паралелі 5-х класаў.
Вобраз Францыска Скарыны натхніў вучняў на творчую і плённую працу. Пяцікласнікі ўсвядомілі, што спадчына Скарыны – наш беларускі гонар, наш нацыянальны скарб і візітоўка нашай краіны.
Таксама адзначылі, што ён першы ўзняў родную мову на ўзровень мастацкай, навуковай і сцвердзіў яе каштоўнасць і ролю ў духоўным адраджэнні нацыі.
Настаўнік беларускай
мовы і літаратуры
Андрэева А. М.
«Каляндар юбілейных дат на 2017/2018 год»
каляндар юбілейных дат, якія будуць адзначацца ў 2017/2018 навучальным годзе:
| верасень | 105-годдзе з дня нараджэння Максіма Танка
90-годдзе з дня нараджэння Алеся Адамовіча 95-годдзе з дня нараджэння Уладзіміра Калесніка 110-годдзе з дня нараджэння Сяргея Дзяргая |
| кастрычнік | 85-годдзе з дня нараджэння Івана Пташнікава
85-годдзе з дня нараджэння Алены Кобец-Філімонавай |
| лістапад | 135-годдзе з дня нараджэння Якуба Коласа
130-годдзе з дня нараджэння Цішкі Гартнага 80-годдзе з дня нараджэння Валянціна Лукшы |
| снежань | 70-годдзе з дня нараджэння Алеся Разанава
95-годдзе з дня нараджэння Алены Васілевіч |
| студзень | 80-годдзе з дня нараджэння Дануты Бічэль |
| люты | 125-годдзе з дня нараджэння Максіма Гарэцкага
210-годдзе з дня нараджэння Вінцэнта Дуніна-Марцінкевіча 150-годдзе з дня нараджэння Каруся Каганца |
| сакавік | 100-годдзе з дня нараджэння Эдуарда Валасевіча
100-годдзе з дня нараджэння Алеся Бачылы 65-годдзе з дня нараджэння Уладзіміра Бутрамеева 70-годдзе з дня нараджэння Генадзя Пашкова |
| красавік | 75-годдзе з дня нараджэння Мар’яна Дуксы |
| май | 135-годдзе з дня нараджэння Янкі.Маўра
70-годдзе з дня нараджэння Святланы Алексіевіч 85-годдзе з дня нараджэння Юрася Свіркі 80-годдзе з дня нараджэння Уладзіміра Карызны |
каляндар міжнародных свят і знамянальных дат:
| 3 верасня | Дзень беларускага пісьменства |
| 8 верасня | Міжнародны дзень пісьменнасці |
| 21 лютага | Міжнародны дзень роднай мовы |
| 3 сакавіка | Сусветны дзень пісьменніка |
| 21 сакавіка | Сусветны дзень паэзіі |
| 27 сакавіка | Міжнародны дзень тэатра |
| 2 красавіка | Міжнародны дзень дзіцячай кнігі |
| 18 мая | Сусветны дзень музеяў |
«Прэзентацыя з нагоды юбілею Янкі Купалы 18.05.2017»
18 мая 2017 года з мэтай больш даведацца пра жыццё і творчасць народнага пісьменніка Беларусі Я. Купалы для вучняў 7 класаў было праведзена мерапрыемства, у час якога прадстаўлена прэзентацыя “Жыццёвы шлях і творчая дзейнасць Янкі купалы”. Была падрыхтавана кніжная выстава. Вучні ўдзельнічалі ў конкурсах “Лепшы чытальнік вершаў Янкі Купалы”, “Лепшы знаўца зместу твораў Янкі Купалы”
Вучні не толькі праверылі веды па біяграфіі і творчай спадчыне паэта, але і пазнёміліся з новымі для іх аспекламі творчасці, удасканалілі ўменне выразна чытаць уголас мастацкія творы.
Настаўнік Глушакова Н.А.
«Выстава 13.05.2017»
Вучні 8-х класаў наведалі аддзел беларускай і краязнаўчай літаратуры, дзе спецыяльна для іх была падрыхтавана кніжная выстава і праведзена мерапрыемства, прысвечанае Дню Перамогі. Супрацоўнікі абласной бібліятэкі паведалі васьмікласнікам цікавыя факты пра абаронцаў Магілёва. Вучні з задавальненнем паслухалі пра Канстанціна Сіманава, чыім імем названа вуліца, дзе знаходзіцца іх школа, пра С.Ф. Куцепава, помнік якому быў устаноўлены ў іх мікрараёне ў мінулым годзе і іншых абаронцаў роднага горада. Гучалі урыўкі з кніг і вершы, якія найбольш усхвалявалі дзяцей і кранулі іх сэрцы.
Настаўнік беларускай мовы і літаратуры
Паборцава Г.Г.
«Мерапрыемства, прысвечанае жыццю і творчасці Івана Шамякіна 04.05.2017»
Вучні 9-х і 10-х класаў 04.05.2017 наведалі бібліятэку – філіял №2 імя Івана Шамякіна з мэтай больш даведацца пра жыццё і творчасць народнага пісьменніка Беларусі Івана Пятровіча Шамякіна. У час мерапрыемства была прадстаўлена цікавая прэзентацыя, прагучалі любімыя песні пісьменніка, прадэманстраваны ўрыўкі з фільмаў па творах Шамякіна. Вучні паглядзелі дакументальны фільм пра апошнія гады жыцця Шамякіна, наведалі фотавыставу. Мерапрыемства садзейнічала фарміраванню ўяўлення пра асобу Івана Шамякіна, дыяпазон яго творчасці.
настаўнік Буймістрава Ж.Г.
«Зямля мая-зялёны дом 27.04.2017»
27 красавіка 2017 года ў 6 “А” класе прайшла педагагічная майстэрня “Зямля мая-зялёны дом”. У пачатку мерапрыемства дзеці пад запіс музыкі “Гукі прыроды” агучвалі асацыяцыі, якія ўзнікалі пры праслухоўванні дадзенай мелодыі. Потым настаўніца прачытала верш Ю.Свіркі “А ўсе ж вінаваты і я”, і вучні зноў называлі самае значнае да слова “прырода”. Клас быў падзелены на 3 групы. Усе мінікалектывы атрымалі заданні. Вучні складалі памяткі для тых, хто будзе адпачываць на прыродзе, тлумачылі выказванні пісьменнікаў аб прыродзе, пісалі міні-сачыненні на тэму “Зямля мая-зялёны дом”. Гэта мерапрыемства садзейнічае выхаванню беражлівых адносін да ўсяго жывога на зямлі, дабрыні і міласэрнасці.
Настаўнік Казакевіч А.Л.
«Гавары са мной па-беларуску 20.04.2017»
20 красавіка ў нашай школе прайшла акцыя “Гавары са мной па-беларуску”. Настаўнікі разам з вучнямі падрыхтавалі беларускія слоганы, лагатыпы, плакаты са словамі П. Панчанкі, В. Ластоўскага, Н. Гілевіча аб роднай мове і размясцілі іх у фае актавай залы, на лесвічных пляцоўках, на сценах. У сталовай ўсіх віталі словы з плаката “Смачна есці!”. Пры ўваходзе ў школу можна было прачытаць запрашэнне размаўляць разам з намі па-беларуску.
Аформлены вугалок “Да юбілею Янкі Купалы і Якуба Коласа”. Падрыхтаваныя вучні знаёмілі прысутных з выставай “Народныя вырабы”. Разам з вучнямі выставу наведалі і іх бацькі. Усе выкарыстоўвалі толькі беларускую лексіку. Дзень прайшоў цікава.
Цыркунова Л.У., кіраўнік метадычнага аб’яднання
«Прэзентацыя з нагоды юбілею Янкі Купалы і Якуба Коласа 06.04.2017»
Напярэдадні 6 красавіка было аб’яўлена, што на першым паверсе школы будзе праведзена мерапрыемства, прысвечанае 135-годдзю з дня нараджэння класікаў беларускай літаратуры Янкі Купалы і Якуба Коласа.
Да мерапрыемства быў аформлены стэнд, дзе прадстаўлены матэрыялы з жыцця і творчасці Янкі Купалы і Якуба Коласа.
У падрыхтоўцы і правядзенні мерапрыемства прымалі ўдзел вучні як старэйшых класаў, так і вучні пачатковых класаў.
Адбыўся паказ прэзентацыі з нагоды юбілеяў Янкі Купалы і Якуба Коласа, потым гучалі вершы беларускіх песняроў слова.
Настаўнік Глушакова Н.А.
« КВіЗ 23.03.2017»
КВіЗ ”Беларуская мова- вольная, пявучая…”
Для вучняў 5-х класаў было праведзена дадзенае мерапрыемства з мэтай пашырыць уяўленне пра багацце слоўнікавага складу беларускай мовы, узбагаціць мову вучняў фразеалагізмамі. У час мерапрыемства вучні тлумачылі значэнне фразеалагізмаў, да фразеалагізмаў рускай мовы падбіралі беларускія, знаходзілі іх ва ўрыўках з мастацкіх твораў. Праявілі вучні кемлівасць і ўменне падбіраць фразеалагізмы па пачатку, сінанімічныя і антанімічныя фразеалагізмы. Таксама падрыхтавалі малюнкі да фразеалагізмаў.
Мерапрыемства дало магчымасць вучням спасцігнуць таямніцы беларускай мовы, яе багацце і непаўторнасць.
настаўнік Буймістрава Ж.Г.
« Кніжная выстава 18.03.2017»
Вучні 8-х класаў наведалі ў абласной бібліятэцы кніжную выставу, прысвечаную 130-годдзю з дня нараджэння Алеся Гаруна.
Бібліятэкар Чарнашэй Н.А. паведала вучням пра цікавыя факты з жыцця дзеяча беларускага Адраджэння, пазнаёміла з яго адзіным прыжыццёвым (пражыў Аляксандр Уладзіміравіч Прушынскі ўсяго 33 гады) зборнікам паэзіі «Матчын дар», які, нягледзячы на сціплыя памеры, вызначыў пачэснае месца А. Гаруна ў беларускай літаратуры. Прагучалі ў час сустрэчы яго вершы «Людзям», «Сэрцам пачуты звон» і інш. Зацікавіў васьмікласнікаў агляд зборніка «Жывыя казкі», у які ўвайшлі п’есы для дзіцячага тэатра. Вучні пазнаёміліся з імёнамі крытыкаў і літаратуразнаўцаў, хто прысвяціў А. Гаруну свае працы ў выданнях перыядычнага друку (В. Рагойша, Ю. Гарбінскі, А. Баркоўскі, Ф. Кушаль і інш.)
Гэта сустрэча садзейнічала больш глыбокаму знаёмству з творчасцю беларускага паэта, празаіка і публіцыста, які быў барацьбітом за свабоду і шчасце народа.
Настаўнік беларускай мовы і літаратуры
Паборцава Г.Г.
«Раскажы мне пра пісьменніка…02.03.2017»
02.03.2017 г. у 7 “Б” класе адбылося мерапрыемства “Раскажы мне пра пісьменніка…” Вучні былі падзелены на групы, якія загадзя атрымалі заданні падрыхтаваць матэрыялы пра любімага пісьменніка. Прадстаўнікі груп выступілі са сваім матэрыялам, таксама зрабілі выставу падрыхтаваных работ: кніжкі-самаробкі, папкі “Жыццёвы і творчы шлях пісьменніка”, на памяць прачыталі афарызмы.
Л.У. Цыркунова, настаўнік беларускай мовы і літаратуры
«У промнях незвычайнага святла 25.02.2017»
Вучні 8-х класаў наведалі выставу «У промнях незвычайнага святла», прысвечаную 60- годдзю з дня нараджэння беларускага паэта Алеся Пісьмянкова як раз у дзень яго нараджэння.
Супрацоўнік аддзела беларускай і краязнаўчай літаратуры абласной бібліятэкі БязменВ.М. паведала пра цікавыя факты з жыцця паэта, пазнаёміла са зборнікамі яго паэзіі і працамітых, хто пісаў пра Аляксандра Уладзіміравіча (А. Марціновіча, В. Зуёнка, У. Ягоўдзіка, В. Патапенкііінш.)
Васьмікласнікі натхніліся творамі Алеся Пісьмянкова, праслухалі вершы ў выкананні аўтара «Дарога празжыта», «І вёдры поўныя вады», «Нядзеля ў Бялынкавічах» і інш. Іх кранулі песні на вершы паэта з Магілёўшчыны, які пайшоў з жыцця маладым, але пакінуў пасля сябе светлыя, пранікнёныя і шчырыя творы…
Настаўнік беларускай мовы і літаратуры
Паборцава Г.Г.
«Дзве мовы сталі блізкімі мне змалку 16.02.2017»
16 лютага 2017 года ў 6 “А” класе прайшоў вусны часопіс “Дзве мовы сталі блізкімі мне змалку”.
Аглядны вусны часопіс быў падрыхтаваны сумесна бібліятэкарам і настаўнікам беларускай мовы. Размова ішла на рускай і беларускай мовах у залежнасці ад тэмы гаворкі. Клас быў падзелены на групы. Усе мінікалектывы атрымалі заданні.
На працягу мерапрыемства “лірыкі” чыталі вершы на памяць у суправаджэнні лірычнай музыкі, “даследчыкі-мовазнаўцы” працавалі з этымалагічнымі слоўнікамі, падбіралі словы для тлумачэння іх значэння і паходжання, “эрудыты” прапанавалі заданні на кемлівасць. Сцэнарый распрацоўвалі “рэдактары” з дапамогай настаўнікаў, а “дыктары” былі вядучымі.
Аўтар Казакевіч А.Л.
«Беларуская батлейка 09.02.2017»
09.02.2017 прайшло мерапрыемства “Тэатральная майстэрня “Беларуская батлейка”
Вучні сёмых класаў расказалі вучням чацвёртых класаў пра батлейку як літаратурны жанр, яе асаблівасці, дзеючых асоб і паказалі інсцэніроўку п’есы “Цар Ірад”. Вучні малодшых класаў з цікавасцю слухалі і назіралі за маленькімі артыстамі.
Настаўнік Глушакова Н.А.
![Безымянный4444 [] [] []](http://school38.of.by/wp-content/uploads/2016/09/Безымянный4444-.png)
«Турнір “Зямля бацькоў – мая зямля” 02.02.2017»
Для вучняў 5-х класаў было праведзена дадзенае мерапрыемства з мэтай абудзіць цікавасць да гісторыі і культурнай спадчыны роднага краю , сфарміраваць свядомае ўяўленне аб багацці , непаўторнасці роднага слова . Турнір складаўся з наступных тураў : “Мовазнаўцы” , “Хвіліна эрудытаў” , “Грамацей” , “Спадчына роднай старонкі”, “Кемлівыя і знаходлівыя” , “Філасофскі роздум” , “Хто хутчэй?” . У час мерапрыемства прагучалі вершы і выказванні вядомых паэтаў пра Беларусь .
Турнір даў вучням магчымасць яшчэ раз зразумець , што яны жывуць у цудоўнай і непаўторнай , багатай на гістарычныя падзеі краіне .
Настаўнік Буймістрава Ж.Г
«Сем Цудаў Беларусі 26.01.2017»
26.01.2017 6 «Г» клас у рамках правядзення дня беларускай мовы адправіўся ў займальнае падарожжа па родным краі. На ўсім гістарычным шляху нашы продкі пакідалі свае памятныя адзнакі, апазнавальныя знакі, якія сёння сталі Цудамі Беларусі. Пра ўсе сем Цудаў Беларусі дзеці даведаліся і завочна пабывалі ў гэтых гістарычных мясцінах. Першае з цудаў Беларусі – Белавежская пушча.
Запаветны напеў, далячыняў смуга,
У чаканні зары, што заблішча сляпуча
Як свая, мне твая векавая туга,
Белавежская пушча, Белавежская пушча.
М.Дабранраваў
Затым пабывалі на возеры Нарач.
Возера Нарач, прасторнае, чыстае!
Ты, як паветра, такое празрыстае.
Ціхай пагодаю свеціцца дно, –
Ты на планеце такое адно.
Дзіўнае дзіва на сушы.
А які цуд – Крыж Еўфрасінні Полацкай!
Значнае месца ў гісторыі Беларусі займаюць слуцкія паясы. Ні адна краіна свету такія казачныя паясы не вырабляла. Сёння іх можна ўбачыць у самых вядомых музеях Лондана і Парыжа, Варшавы і Кіева, Масквы і Нью-Ёрка.
Яшчэ адно сапраўднае цуда – Сафійскі сабор.
На беразе Дзвіны высока
ў акружэнні сонных дрэў,
стаіць апошні з прыкладаў барока
і слухае нятучны хваляў спеў.
Ён зведаў шмат: пажарышчы і слёзы,
але нябачна час бяжыць,
і як раней імкнуцца ў нябеса
званіц карункавых крыжы.
Ксенія Валенда
Як вандроўніца, Мінская ікона Божай Маці разам са сваімі вернікамі спазнала горыч страт і нястач, радасць вяртання да жыцця. Яна стала ахоўніцай лёсу і жыцця жыхароў беларускай сталіцы. Нездарма бобраз Багародзіц змешчаны на гербе Мінска. Мінская ікона Божай Маці заняла пачэснае месца сярод Сямі Цудаў Беларусі.
“ О, Францішак… Францішак Скарына,
што над гранкай друкарскаю гнуўся!..
Ведай, праца твая пакарыла
новы свет для сівой Беларусі!”
Нямала ёсць слаўных дат, пазначаных чырвоным радком у нашай тысячагадовай гісторыі. Адна з іх – 6 жніўня 1517. Менавіта ў гэты дзень Францыск Скарына надрукаваў свій Псалтыр і гэтым паклаў пачатака беларускаму кнігадрукаванню. Сёлета мы будзем адзначаць 500-годдзе беларускага кнігадрукавання. Скарынавы друкі – непераўзыдзеныя ўзоры мастацтва кнігі. А сапраўднае мастацтва непадуладна часу. Сама асоба Ф.Скарыны з яго талентам вучонага, мудрага асветніка, выдатнага паэта і мастака знаходзіцца на першым месцы сярод усіх Цудаў Беларусі.
Настаўнік беларускай мовы і літаратуры Андрэева А.М
«Турнір мовазнаўцаў 19.01.2017»
Турнір мовазнаўцаў
19 студзеня ў межах адзінага дня беларускай мовы і літаратуры ў 7 “Б” класе адбыўся турнір мовазнаўцаў. Вучні прачыталі на памяць выказванні беларускіх паэтаў пра мову, абралі дэвіз, потым падзяліліся на дзве каманды. Кожная каманда атрымала сваё заданнне, затым спаборнічалі, хто больш складзе слоў з прапанаваных гукаў па сваёй тэме. Перамагло сяброўства
Вучні даведаліся шмат новага пра моўныя з’явы, асаблівасці ўжывання асобных слоў у беларускай мове.
![IMG_2266 []](http://school38.of.by/wp-content/uploads/2016/09/IMG_2266-.jpg)
![IMG_2270 []](http://school38.of.by/wp-content/uploads/2016/09/IMG_2270-.jpg)
Настаўнік Цыркунова Л.У.
«Віктарына Вандроўка па родным краі 12.01.2017»
У 6«В» класе была праведзена віктарына «Вандроўка па родным краі».
У віктарыне ўдзельнічалі дзве каманды – «Ветразь» ( капітан Карпенка Ірына) і «Вандроўнік» ( капітан Салкоўская Лізавета). Каманды адправіліся ў незвычайнае, віртуальнае падарожжа па Беларусі, павандравалі па розных старонках культуры, гісторыі і мовы нашай краіны.
Шасцікласнікі ўзнаўлялі змест прыказак і прымавак, даведаліся, адкуль пайшлі фразеалагізмы «круглы стол», «казёл адпушчэння» і інш. Асабліва цікавымі для вучняў былі заданні «Апрані ляльку» і «Накармі ляльку». «Апраналі» ў розныя віды беларускага народнага адзення і абутку, а «кармілі» беларускімі народнымі стравамі.
Настаўнік беларускай мовы і літаратуры Паборцава Г.Г.
«Экалагічная гадзіна 22.12.2016»
22.12.2006 года ў 6 “А” класе прайшла экалагічная гадзіна “Над Белай Руссю – белы бусел”. Дзеці падрыхтавалі вершы беларускіх паэтаў: В. Лукшы “Над Белай Руссю – белы бусел…”, П. Панчанкі “Буслы, буслы…”, М.Танка “Бусел”, А. Каско “Буслоў не ведаю бяздомных…”, П. Броўкі “Бусел” , а таксама малюнкі, плакаты, фотаздымкі. Настаўніца пазнаёміла вучняў з беларускімі паданнямі “Пакаранне бусла”, “Паходжанне бусла”. На працягу гадзіны гучалі песні “Спадчына” ( сл. Янкі Купалы, муз. І. Лучанка”), “Світанак”( сл. У. Някляева, муз. І. Лучанка). Гэтае мерапрыемства садзейнічае выхаванню беражлівых адносін да прыроды.
Аўтар Казакевіч А.Л.
«Наша Радзіма - Беларусь 15.12.2016»
Вучні 9 “А” і 7 “Г” класаў правялі падарожжа з элементамі гульні-віктарыны з вучнямі групы падоўжанага дня. Пазнавальная гульня дапамагла пабудзіць у першакласнікаў цікавасць да гісторыі і культурная спадчыны роднага краю. Дзеці ўдзельнічалі ў конкурсах “Родны край”, “Сцяжынкамі мудрасці”, “Пушча загадак”, “Рака беларускай мовы”, якія спрыялі развіццю цікавасці да роднага слова. Было цікава і займальна.
Настаўнік Глушакова Н.А
«У паэтычным садзе Максіма Багдановіча 08.12.2016»
Конкурс “У паэтычным садзе Максіма Багдановіча”
Да 125 – годдзя з дня нараджэння Максіма Багдановіча для вучняў 10-х класаў быў праведзены дадзены конкурс з мэтай зацікавіць іх творчасцю песняра. Мерапрыемства складалася з чатырох конкурсаў : “Лепшы знаўца творчай біяграфіі Максіма Багдановіча” , “Лепшы чытальнік твораў Максіма Багдановіча” , “Лепшы знаўца зместу твораў Максіма Багдановіча”,”Лепшы чытальнік вершаў беларускіх паэтаў , прысвечаных Максіму Багдановічу” . Вучаніца Кухарава Ангеліна падрыхтавала насценгазету, дзе размясціла фотаздымкі і цікавы матэрыял з жыцця і творчасці вялікага паэта.
Вучні не толькі праверылі свае веды па біяграфіі і творчай спадчыне Максіма Багдановіча , але і пазнаёміліся з новымі для іх аспектамі творчасці паэта , удасканалілі ўменне выразна чытаць уголас мастацкія творы.
Ж.Г.Буймістрава,
настаўнік бел. мовы і
літаратуры
«Запрашаем у хату гасцейкі нашы! 01.12.2016»
Эпіграф:
Госці ў хату – Беларусы
Рассцілаюць на сталах
Саматканыя абрусы
Вараць бульбу ў чаганах.
З мэтай фарміравання свядомай нацыянальнай асобы, выхавання цікавасці да спадчыны, да этнаграфіі беларускага народа, да яго традыцый і звычаяў; развіцця моўнай культуры было праведзена дадзенае мерапрыемства.
Дзеці 6 “Г” класа апынуліся ў сапраўднай беларускай хатцы з усімі яе атрыбутамі таго часу.
Гэта і печ з качарэжнікам, і паліца з посудам, а ложкі, засланыя посцілкамі, і покуйь са сталом, развешанымі абразамі, расшытымі ручнікамі, і куфар з адзеннем, і пралка.
Вучні атрымалі незабыўныя ўражанні.
А.М.Андрэева
Настаўнік беларускай мовы і літаратуры
«Цвяток Радзімы васілька 24.11.2016»
24.11.2016 года ў нашай школе прайшло мерапрыемства – літаратурна-музычная кампазіцыя, прысвечаная 125-годдзю з дня нараджэння М.Багдановіча. Вядучыя расказалі пра лёс і творчы шлях паэта, гучалі яго вершы. Настаўнікі падрыхтавалі прэзентацыю, якую вучні назіралі ў час мерапрыемства. Вучань 5 “А” Афаневіч Ян выканаў дзве песні на вершы М.Багдановіча. Гэта кампазіцыя стала працягам выставы, зробленай да юбілейнай даты. Выстава працягне сваю работу да дзявятага снежня.
Л.У. Цыркунова, кіраўнік метадычнага аб’яднання
«Выстава да юбілею Максіма Багдановіча»
Агульная сярэдняя адукацыя. Дзяржаўная ўстанова адукацыі “Сярэдняя школа № 38 г.Магілёва”. Папулярызацыя беларускай мовы і літаратуры
Выстава да юбілею
17.11.2016 г. у нашай школе распачала сваю працу выстава, прысвечаная юбілею Максіма Багдановіча. Вучні падрыхтавалі насценгазеты, малюнкі, фотаздымкі да твораў класіка. У час выставы будзе дэманстравацца прэзентацыя “Жыццё і творчасць Максіма Багдановіча”, па школьным радыё прагучаць вершы паэта.
Цыркунова Л.У., кіраўнік метадычнага аб’яднання настаўнікаў беларускай мовы і літаратуры
«Фотаконкурс Мой Максім Багдановіч»
Вучаніцы 9-х класаў Зубрыновіч Дар’я і Мінкіна Яўгенія па-мастацку прачыталі творы М.Багдановіча “Па-над белым пухам вішняў” і “Свяча бліскучая зіяе”, асэнсавалі змест твораў і стварылі наступныя фотаздымкі
«Адзіны дзень беларускай мовы 20.10.2016 у начальнай школе»
|
2 Е клас Класны кираўнік Піщенко С.П
|
|
2 Б клас Класны кираўнік Желнова С.Б
|
|
4 В клас Класны кираўнік Лаппо Т.В
|
«Адзіны дзень беларускай мовы 20.10.2016»
Гульня “Роднае слова”
падрыхтавала
настаўнік беларускай
мовы і літаратуры
Казакевіч А.Л.
Мэта. Падтрымліваць цікавасць да беларускай мовы як да вучэбнага прадмета. Развіваць моўную культуру, пашыраць агульны і лінгвістычны кругагляд, развіваць творчыя здольнасці вучняў. Выхоўваць пашану да роднага слова.
Удзельнічаюць дзве каманды па 10 вучняў.
- Граматычны ваўчок.
На ваўчку – прыстаўкі а-, аб-, ад-, без-, вы-, да-, з-, за-, на-, над-, не-, ні-, па-, пад-, пера-, пра-, пры-, у-, ува-, уз-, раз-. Вядучы раскручвае ваўчок; ён пакруціўся і спыніўся, скажам, на прыстаўцы без-. Вядучы аб’яўляе прыстаўку і зноў раскручвае ваўчок . І пакуль ён круціцца, трэба паспець падабраць слова з гэтай прыстаўкай і запісаць. Ваўчок спыніўся – новае слова, і гэтак далей, пакуль не набярэцца загадзя ўмоўленая колькасць слоў.
Пачынаецца праверка: кожны хутка чытае сваё слова з першай прыстаўкай і атрымлівае фішку за правільны адказ. Затым правяраюцца словы з другой прыстаўкай.
- Ланцужок.
Вядучы называе прыметнік: салодкі. Адразу ж нехта падабраў спалучэнне: салодкі чай – і становіцца побач з вядучым; за ім наступныя: салодкі стол, салодкі голас, салодкі пацалунак, салодкі тон – таксама далучаюцца да іх. Так доўжыцца ланцужок.
Кожнае “звяно” атрымлівае фішку за правільны адказ.
- Тэлеграмы.
Задумана слова, напрыклад кніга,сабачка. Ад кожнай яго літары трэба ўтварыць словы – з гэтых слоў і складаецца тэкст тэлеграмы.
Купі некалькі ігруш галандскіх Аня. Сом адплыў бокам ад чэрвя, каб адпачыць.
- Скорагаворкі.
Мілая мама мыла мылам малую Мілу.
Жвавы вожык жыва жуку пашыў кажух.
Ларыса рабіла лабараторныя работы ў лабараторыі.
Пайшла Паша з шышкамі па шашы за Сашам.
- Разгадайце метаграмы.
| З Б – на муку я тваю,
З М – я футры папсую, З Т – дамы я пакрываю, З С – у страве я бываю.
Я – з казкі Пушкіна, я там Папа перамагаю. Калі заменіш л на н, То я – бандытаў зграя. |
У лесе з б мяне шукаеш
І з прыемнасцю зразаеш Калі б на п заменіш – Сцеражыся: захварэеш!
З к шукай мяне ты ў полі, З г – пачуеш на раздоллі, А калі паставіш в, Дык шукай на галаве. |
- Эрудыт.
Закончыце прыказкі.
З кім павядзешся…
Любіш катацца…
Слова не верабей…
За двума зайцамі пагонішся…
- Пятае “лішняе”.
Бяжыць, ідзець, робіць,любіць,глядзіць.
Выйшаў, скончыў, прыгадаў, вупісаў,высыпаў.
Сянні, сённі, сёння, сяні, сёня.
Дуп, суп, грап, крап, хлеп.
- Пытанні – жарты.
Якія лісты не растуць на дрэвах?
Якім апалонікам не налівае суп ніводны повар?
На якім катку нельга катацца на каньках?
Якім пасам не прыводзіцца ў дзеянне ніводны механізм, ніводная машына?
Якая міна ўзрываецца толькі смехам?
У якой люльцы не змесціцца ніводнае дзіця?
Які бык не просіць есці?
Які ячмень расце на целе чалавека?
Калі тушаць без вады?
Як можна ступіць, стоячы на месцы?
Як сплавіць, нічога не расплавіўшы?
- “Птушыная” навука.
| 1 | |||||||
| 2 | |||||||
| 3 | |||||||
| 4 | |||||||
| 5 | |||||||
| 6 | |||||||
| 7 | |||||||
| 8 | |||||||
| 9 | |||||||
| 10 | |||||||
| 11 |
- Птушка, з якой параўноўваюць таго, хто прыгожа спявае.
- Пеўчая птушка, якая водзіцца пераважна на полі.
- Антарктычная птушка, якая добра плавае, але не лятае.
- Голуб з шаравата-шызым апярэннем, які гняздуецца ў дуплах.
- Птушка з вузкімі вострымі крыламі і раздвоеным хвастом.
- Самая вялікая птушка ў свеце.
- Вадаплаўная птушка з вялікім мяшком пад доўгай дзюбай.
- Птушка, пра якую гавораць, што яна “на хвасце навіны носіць”.
- Птушка, якая заўсёды “просіць піць”.
- Самая маленькая птушка ў свеце.
- Лясны крылаты доктар.
- Падвядзенне вынікаў (падлік фішак).
«Адзіны дзень беларускай мовы 13.10.2016»
У рамках “Адзінага дня беларускац мовы” 13.10.2016 г. у Дзярэаўнай установе адукацыі “Сярэдняя школа №38 г.Магілёва” настаўніцай беларускай мовы і літаратуры Андрэевай А.М. было праведзена пазакласнае мерапрыемства на паралелі 6-х класаў “Падарожжа ў краіну Белая Русь”.
Мэта правядзення гэтага мерапрыемства:
- развіваць і пашыраць веды вучняў аб сваім краі;
- выхоўваць любоў і павагу да роднац беларускай прыроды;
- папулярызацыя беларускай мовы.
Мой родны кут, як ты мне мілы
Я. Колас
Ход мерапрыемства
(гучыць ціхая спакойная музыка)
Уступнаые слова наустаўніка: Белая Русь… Гэтая назва гуыць для нас ціхім шалахам лісця ў лесе, вяселая гаворкай крынічкі, чыастый расінкай у промнях узыходзячага сонца, развітальным курлыканнем журавоў высока ў небе восеньскім днём, вясёлым гоманам белагаловай дзетвары вераснёўскай раніцай. Геэта ўсё яна – Белая Русь!
Вось прабегла каля мяне чародка дзетак. Блакітныя вочкі, ільняныя валасы, мяккія, зычлівыя ўсмешкі… Можа, гэта вы, мае вучні, менавіта своім блакітам вачэй і светлай усмешкай, далі шмат стагоддзяў таму нашай зямлі такую прыгожую назву? А можа, гэта наша сціплая, светлая расліна лён з блакітнымі невялічкімі кветачкамі,якая апранала нашых продкаў у белыя кашулькі і сукеначкі, дала табе, краіна, гэтую назву?
Вучні чытаюць верш Н.Гілевіча Край мой беларускі, край!“
I вяд.: Край мой беларускі, край!
Дай мне прыгарнуцца, дай!
Да твайго ляснога
Вераснога долу,
Дзе так шцасця многа
Выпала на долю, –
Дай жа апрануцца, дай!
II вяд.: Край мой беларускі, край!
Дай ты мне напіцца, дай!
Той вады гаючай
З той крыніцы вечнай
Дзе ад ран балючых
Ты арлоў вылечваў, –
Дай жа мне напіцца, дай!
III вяд.: Край мой беларускі, край!
Дай ты мне паслухаць, дай!
Як на лад пявучы
Старажытнаў мовы
Тут гамоняць пушчы,
Там шумяць дубровы, –
Дай жа мне паслухаць, дай!
IV вяд.: Край мой беларускі, край!
Дай ты мне прайсціся, дай!
Па тваіх прасторах,
Па шляхах бясконцых,
Дай жа мне прайсціся, дай!
Слова настаўніка:
-Зараз мы з вамі адправімся ў падарожжа па нашай мілай старонцы.
Жыве сабе чалавек надзеннымі клапотамі, хвалюецца за дзень заўтрашні, звыкла глядзіць на добра знаёмыя краявіды… І не здагадваецца нават, што калісьці, даўным – даўно, у гэтых масцінах… (паказваецца відыаролік “Гістарычная Магілёўшчына”).
А зараз праслухайце легенду аб узнікненні Беларусаў на нашай зямлі. Называецца гэта легенда “Адкуль пайшлі беларусы” (расказвае Сільчанка К.)
Гутарка з вучнямі пасля легенды
Настаўнік: Паглядзіце, мае дзеткі – Беларусы, на нашу карту Беларусі.
(Прапаноўваецца карта, на якой толькі залёным колерам афарбавана тэрыторыя Рэспублікі Беларусь без нанясення рэк, азёр, гарадоў і гэтак далей.
1 вуч.: На карце вялікага свету
Яна – як зялёны лісток.
Сасмоглая песня лета,
Жывое вады глыток!
2 вуч.: Адвечная калыханка
Душы запаветны куток,
Трапеча гарачым ранкам
На дрэве нястомны лісток.
Настаўнік: На што падобна, на думку В.Віткі, на карце наша рэспубліка? (Так, на кляновы лісток)
- А вось М.Гамалка, беларускі пісьменнік, бачыць наш край як мужную добрую чалавечную далонь.
- А.У.Караткевіч лічыць, што абрысы Беларусі на карце нагадваюць нашага магутнага цара Белавежскай пушчы – зубра.
Наша падарожжа завершым творчым заданнем:
-размаляваць карту Беларусі каляровымі алоўкамі. Якія колеры вы выбралі? Чаму?
– пасля падарожжа па родным краі аб чым вы даведаліся, што ўбачылі?
Настаўніца беларускай мовы і літаратуры Андрэева А.М.
«Адзіны дзень беларускай мовы 06.10.2016»
Дзяржаўная ўстанова адукацыі “Сярэдняя школа №38 г. Магілева”
У сувязі з адзіным днём беларускай мовы настаўнік Буймістрава Ж.Г правяла для вучняў 5-х класаў ілюстраваную лекцыю “Расцвілі ўлетку кветкі”. Прагучалі вершаваныя радкі пра лугавыя кветкі:рамонкі , званочкі, валошкі , лубін , дзьмухаўцы , незабудкі , дзівасіл , валяр’ян , мацярдушкі , мятлушкі і іншыя.Зацікавілі вучняў радкі пра браткі:
Кветкі шчасця , кветкі – браткі,
Бы духмяныя аладкі ,
Па ўсім лузе раскіданы ,
У адзін дыван сабраны.
Кожная з названых кветак была прадэманстравана на ілюстрацыі.Беларускія назвы вучні параўноўвалі з рускімі.Вучань 5 “В” класа Аўраменка Станіслаў паведаміў пра лекавыя ўласцівасці рамонкаў,валяр’яна,зверабоя .Вучаніца 5 “Г” класа Лашкова Крісціна і вучаніца 5 “В” класа Сакратарова Вераніка зрабілі переклад назваў садовых кветак з рускай мовы на беларускую , звярнуўшы ўвагу на несупадзенне роду пры перакладзе такіх кветак:пион-півоня , гвоздика-гваздзік.
Вучаніцы Рыжова Вікторыя , Іванова Аляксандра , Лушынская Ангеліна (5 “В” клас) падрыхтавалі малюнкі ружы , цюльпана, архідэі , апісалі іх , выкарыстоўваючы беларускую лексіку.
Вучні з задавальненнем адгадвалі вершаваныя загадкі пра кветкі:
У траве ў зяленай свіце
Да ўзыходу сонца спіць ён.
А як сонейка вітае – золатам кашуля ззяе.
Раптам зробіцца надзьмуты
У пухнатым белым футры.
А пад ветрам гайданецца –
Дык у момант распранецца.
Што за модны маладзец?
Ну, вядома ж, дзьмухавец.
Паміж двух лістоў – драточак .
На драточку – сем званочкаў.
Пчолкі ў званочкі б’юць
І мядок дамоў нясуць.
І ў лісточках , і ў кветках
І атрута есць , і лекі.
Можа, некалі пасадзіш
Ты на клумбе белы ландыш.
Жоўтае сонейка ў белых пялёстках –
Кожны з нас ведае кветачку простую.
П’ём з ей гарбату (прастуда міне),
З ёю варожым (кахае ці не).
Дык пра якія тут кветкі гамонка?
Ты здагадаўся? Вядома ж , рамонкі.
Вучні 5-х класаў пашырылі свой слоўнікавы запас , паглыбілі веды пра ўласцівасці лекавых раслін , вывучылі назвы садовых і лугавых кветак на беларускай мове , праявілі свае творчыя здольнасці.
«Гучы, роднае слова»
ДУА “Сярэдняя школа №38 г.Магілева” падтрымала ініцыятыву “Таварыства беларускай мовы імя Ф.Скарыны” аб штотыдневым правядзенні адзінага дня беларускай мовы.
Цяпер кожны чацвер у кабінетах, настаўніцкай, на калідорах гучыць беларуская мова. А настаўнікі беларускай мовы праводзяць пазакласныя мерапрыемствы.
Чацвер, 29 верасня, не стаў выключэннем. Паміж вучнямі семых класаў настаўнік беларускай мовы і літаратуры Глушакова Н.А. правяла інтэлектуальна-пазнавальную гульню “Размаўляем па-беларуску”. Выкананне заданняў спрыяла развіццю ў вучняў кемлівасці, знаходлівасці, уменню адчуваць беларускае слова, выхаванню культуры маўлення.
На перапынках па школьным радыё гучаць вершы беларускіх мастакоў слова, што дапамагае вучням адчуць усю прыгажосць роднай беларускай мовы, выклікае жаданне спрыяць яе адраджэнню.
«Мая Радзiма Беларусь»
Мерапрыемства шостага школьнага дня у 5 Б классе «Мая Радзiма Беларусь»
24.09.2016 у 10:00 у 5 Б классе адбылася вiктарына на беларускай мове «Мая Радзiма – Беларусь». Вучнi з вялiкай цiкавасцю праслухалi гутарку пра нашу Бацькаушчыну, адказалi на пытаннi вiктарыны, разгадвалi крыжаванкi. Арганiзавалi выставу кнiг пра Беларусь, народных вырабау.
Мерапрыемства спрыяе папулярызацыi беларускай спадчыны, мовы, культуры.
Падрыхтавалi мерапрыемства:
практыкантка Ракава Юлiя Андрэеуна
i класны кiраунiк 5Б класса
Цыркунова Л.У.
Адзіны дзень беларускай мовы 22.09
У сувязi з адзiным днём беларускай мовы у нашай школе быў праведзены вечар, прысвечаны 85-годдзю з дня нараджэння Нiла Гiлевiча.
Вучнi 8-х класаў з задавальненнем пазнаёмiлiся з «захавальнiкам i абаронцам беларускасцi» , як называюць Нiла Гiлевiча. Асоба народнага паэта Беларусi захапiла васьмiкласнiкаў, бо яны не толькi пазнаёмiлiся з важнымi старонкамi бiяграфii «сейбiта з блакiтным святлом у вачах», а яшчэ даведалiся, чым ганарыўся i чаго саромiўся паэт. Даведалiся, што гэта ён аўтар знакамiтага « Сказа пра лысую гару» i рамана ў вершах « Родныя дзецi » i ўсiм вядомы песнi на яго вершы: «Вы щумiце, бярозы» («А я лягу-прылягу…»), «Шлях да Беларусi».
Вучнi праслухалi запiс песнi « Шлях да Беларусi» ў выкананнi ансамбля «Сябры», а вось песню « А я лягу-прылягу…» выканала вучанiца 8«Б» класа Конанава Карына.
Да вечара юбiляра была падрыхтавана выставакнiг з творамi Нiла Гiлевiча . Вучнi чыталi яго вершы i разглядалi фотаздымкi розных гадоў…
Адказная за мерапрыемства настаўнiк
Паборцава Г.Г.
Каляндар юбілейных дат на 2016/2017 год
| верасень | 85-годдзе з дня нараджэння Ніла Гілевіча |
| лістапад | 85-годдзе з дня нараджэння Анатоля Вярцінскага 115-годдзе з дня нараджэння Міхася Зарэцкага |
| снежань | 125-годдзе з дня нараджэння Максіма Багдановіча |
| студзень | 70-годдзе з дня нараджэння Георгія Марчука |
| люты | 80-годдзе з дня нараджэння Міхаіся Стральцова |
| сакавік | 130-годдзе з дня нараджэння Алеся Гаруна |
| красавік | 70 годдзе з дня нараджэння Алеся Жука |
| май | 70 годдзе з дня нараджэння Раісы Баравіковай |
| ліпень | 135-годдзе з дня нараджэння Янкі Купалы |
| жнівень | 100-годдзе з дня нараджэння Янкі Брыля 100-годдзе з дня нараджэння Пімена Панчанкі |
Адзіны дзень беларускай мовы 08.09.2016 и 15.09.2016
Восьмага верасня ў школе прайшла акцыя “Сёння мы размаўляем толькі на беларускай мове”. Дзяжурныя віталі настаўнікаў, бацькоў, вучняў на роднай мове. На перапынках па школьным радыё гучалі беларускія народныя песні.
Пятнаццатага верасня ў эфір выйшла перадача “Беларуская паэтычная хвілінка”. У выкананні вучаніц 7 “В” класа прагучалі вершы Лёлі Багдановіч, сучаснай беларускай паэткі, члена Саюза пісьменнікаў Беларусі. Яе вершы вучаць шчырасці, любові да роднай мовы, да маці, да зямлі.
У бібліятэцы была арганізавана выстава “Знаёмства з нова кнігай”. Вучні з цікавасцю пазнаёміліся з новымі выданнямі.
Кіраўнік МА Цыркунова Л.У.
